1Үйлчилгээ
Contract Mongolia (contract.mn) нь e-ID Mongolia-ийн тоон гарын үсгээр гэрээ үүсгэх, илгээх, гарын үсэг зурах, хадгалах, баталгаажуулах үйлчилгээ юм. Үүнийг Гэрэгэ Системс ХХК (Gerege Systems LLC, Улаанбаатар, Монгол Улс) ажиллуулдаг.
2Бүртгэл ба нэвтрэлт
- Бүртгэл бүрийг e-ID Mongolia-аар нэг удаа баталгаажуулна. Facebook, Google, Microsoft (Teams, Word) зэргээр нэвтрэх нь энэ бүртгэлд холбогдоно.
- Нэвтрэх хэрэгслээ (утас, PIN, ажлын бүртгэл) өөрөө хамгаална. Бусдын нэрээр нэвтрэх, гарын үсэг зурахыг хориглоно.
- Бүртгэлээр хийгдсэн үйлдлийг бүртгэлийн эзэн хариуцна.
3Байгууллага
- Байгууллагын админ гишүүдийг урьж, эрх олгож, байгууллагын нэрийн өмнөөс гарын үсэг зурагчдыг тохируулна. Хэнд ямар эрх олгосныг байгууллага өөрөө хариуцна.
- Ажлаас гарсан, эрхгүй болсон хүнийг байгууллага цаг алдалгүй хасна.
- Байгууллагын цахим тамгыг (e-Seal) зөвхөн эрх бүхий хүн батлан ашиглана; тамгаар баталгаажсан гэрээ байгууллагын нэрийн өмнөөс хийгдсэнд тооцогдоно.
4Гэрээ ба гарын үсэг
- Тоон гарын үсэг таны e-ID-ийн мэргэшсэн гэрчилгээгээр зурагдаж, гэрээний PDF дотор (PAdES) хадгалагдана. Түүнийг хэн ч contract.mn/verify-аар шалгаж болно.
- Гэрээний агуулга, талуудыг сонгох, гэрээний хууль зүйн үр дагаврыг талууд өөрсдөө хариуцна. Contract Mongolia гэрээний тал биш, хуулийн зөвлөгөө өгөхгүй.
- Гарын үсэг зурсан гэрээг нэг талын хүсэлтээр өөрчлөх, устгах боломжгүй.
5Зөвшөөрөгдөхгүй хэрэглээ
Хууль бус үйлдэл, бусдын эрхийг зөрчих, хуурамч гэрээ байгуулах, бусдын нэрийг ашиглах, системд халдах, хортой код тараах, үйлчилгээг хэт ачааллах зэргийг хориглоно.
6Таны мэдээлэл ба баримт
Таны оруулсан баримт таных хэвээр. Бид түүнийг зөвхөн үйлчилгээг ажиллуулахад ашиглана — Нууцлалын бодлого.
7Үнэ ба төлбөр
- Хувь хүн тодорхой тооны гэрээг үнэгүй байгуулна. Байгууллагын багц, үнийг Танилцуулга хуудас эсвэл тохиролцсон гэрээгээр тодорхойлно.
- Төлбөрийг QPay-ээр төлнө. Багцын хугацаа дууссан эсвэл гарын үсгийн хязгаар хүрсэн үед төлбөр төлөх хүртэл шинэ гэрээ илгээх боломжгүй; өмнө байгуулсан гэрээ хэвээр харагдана.
8Хариуцлага
Үйлчилгээг «байгаа чигээр нь» үзүүлнэ. Тасралтгүй ажиллахыг зорьдог ч засвар, гэнэтийн саатлаас үүдэх шууд бус хохирлыг хуулиар зөвшөөрсөн хэмжээнд хариуцахгүй. e-ID Mongolia, QPay зэрэг гуравдагч талын үйлчилгээний доголдлыг тэдгээр тал хариуцна.
9Цуцлах ба өөрчлөх
Та хүссэн үедээ бүртгэлээ устгуулж болно (заавар). Нөхцөл зөрчсөн бүртгэлийг бид түдгэлзүүлж болно. Нөхцөлийг өөрчлөхдөө энэ хуудсанд огноог шинэчилнэ.
10Хууль ба маргаан
Монгол Улсын хууль үйлчилнэ. Маргааныг эхлээд харилцан ярилцаж шийдвэрлэх бөгөөд шийдэгдээгүй бол Монгол Улсын шүүхээр шийдвэрлүүлнэ. Холбоо барих: privacy@gerege.mn.
